خبز الفوكاشا (فوكاشيا) الإيطالي

خبز الفوكاشا (كما يُنطق في ايطاليا) هو نوع من انواع العجائن الإيطالية اللي تدخل الخميرة في تكوينها، و يدخل زيت الزيتون ونكهة الأعشاب القوية كمان في تحضيرها. يُخبز الفوكاشا في صينية مسطحة ويعطينا قوام غليظ مطاطي أشبه بالخبز.

عجينة الفوكاشا لازم تكون عجينة قوية في قوامها ومطاطية بنفس الوقت فعشان نحصل على فوكاشا لذيذ و تحسوا نفسكم في ايطاليا اذا عملتوه، لازم نستخدم دقيق يكون البروتين فيه نسبته عالية حتى يسمح بتكون الجلوتين. عادة تكون نسبة البروتين أعلى من ١١٪؜ وأحسن مثال لهذا الدقيق هو دقيق الخبز الخاص بالخبز واللي يسموه بالإنجليزي Bread flour. أحب أنوه إني في الأيام القليلة الجاية حنزل موضوع خاص بأنواع الدقيق.

اللي يميز الفوكاشا هو الحُفر الصغيرة اللي نعملها بعد فرد العجينة في صينية الخبز .. يعني زي كدا 👇🏼

نرجع لموضوع الفوكاشا🙈 تقدروا تضيفوا النكهة اللي تحبوها على الفوكاشا. مثلا، تقدروا تدهنوها زيت زيتون مخلوط مع زيت بنكهة الثوم وتحطوا كم حبة ثوم على الوجه. أو زيت زيتون و أعشاب إيطالية و روزماري و زيتون مقطع شرائح زي اللي عملته في هادي الوصفة. و كمان تضيفوا ملح خشن على الوجه و طماطم كرزية. اللي تحبووووه تقدروا تضيفوه. في ايطاليا، عندهم فوكاشا حلوة يعني تحتوي على سكر و عسل و زبيب لكن اللي احنا معروف عندنا الفوكاشا المالح.

المقادير:

١ كوب (٢٥٠ مل) ماء دافئ.

٧ مل خميرة

١/٤ كوب سميد

٢ ٤/٣ كوب دقيق عالي البروتين (دقيق الخبز)

٢ ملعقة كبيرة (٣٠ مل) زيت زيتون

١ ملعقة كبيرة (١٥ مل) ملح

١ ملعقة صغيرة سكر (٥ مل)

بهارات إيطالية (الكمية تخلف حسب الذوق)

أعواد إكليل الجبل او الروزماري

طماطم كرزية

شرائح زيتون اسود

ملاحظات:

*طبعا نحتاج زيت الزيتون لمن نفرد العجينة و لمن ندهنها قبل تدخل الفرن لكن ٣٠ مل بس أثناء تحضير العجينة

* طبعا نحتاج دقيق لرش سطح العمل عشان تمسك معانا العجينة

* نحتاج عجانة لتحضير العجين لأنها تحتاج حوالي ١٠ دقايق عجن، ولو مافي عجانة اذا نحتاج ١٥ دقيقة باليد.

* النكهة اللي تبغوها زي ما وضحت سابقا. تقدروا تستخدموا المتوفر عندكم واللي تحبوه

* أضفت تقريبا ملعقتين من البهارات الإيطالية خلال العجن لأني حبيت نكهة الأعشاب ظاهرة و قوية. بس تقدروا تكتفوا برشها فقط على الوجه

* استخدم سميد في الوصفة عشان يعزز من القوام الغليظ للفوكاشا ويعطينا قرمشة جميلة. السميد اللي استخدمته في (المانيا) هو هادا

الطريقة:

١)في وعاء العجانة، حنضيف كمية الخميرة والماء الدافئ و زيت الزيتون والسكر.

٢)نفعل الخميرة عن طريق تحريك الخليط بس ما نبالغ وننتظر الين تظهر فقاعات الخميرة على السطح. تقريبا ٣-٥ دقايق.

٣)نضيف المكونات الجافة، السميد والدقيق والملح و البهارات الإيطالية ونبدأ بعجن المكونات لمدة ١٠ دقايق. خلال المدة هذه، حنشوف كيف العجينة تحسوها جامدة لسه و ما لمَّت نفسها بس لا تخافوا. حنحتاج نضيف تقريبا ٢ ملعقة كبيرة زيت زيتون الين العجينة تمسك معانا شوية و تصير قوامها مطاطي تلصق شوية في اليد.

٤)ننقل العجينة على سطح نظيف و مرشوش دقيق، و نبدأ نعجن بيدنا الين تصير عجينة ما تلصق في اليد. تقريبا زي كدا 👇🏼

٥)وبما انه نكهة زيت الزيتون في الفوكاشا قوية حنزيد كمان ملعقتين زيت زيتون ونكمل عجن، نضيف رشة دقيقة عشان نرجع نخليها ما تلصق في اليد.

٦)نجيب وعاء عميق، وندهنه زيت زيتون و نحط فيه العجينة وكمان نتأكد ان العجينة كلها فيها زيت زيتون. ونغطيها مرة كويس. حنغطيها اول شي بمنشفة مطبخ نظيفة بعدين قصدير ونقفل الجوانب كويس بحيث ما يدخل هوا ونخليها تتخمر في مكان دافئ لمدة ساعه. وظيفة المنشفة هنا انها تسحب أي أبخرة متصاعدة من العجينة عشان زي ما نقولها بالعامي (لا تعرِّق) العجينة. 🙈

٧) نجيب الصينية اللي نبغا نخبز فيها وانا استخدمت هنا اكبر مقاس للبايركس (صينية الزجاج)، ونفرد العجينة. نعمل بأصابعنا حُفر و ندهن الوجه زيت زيتون و نضيف أعواد إكليل الجبل و البهارات الإيطالية و رشة ملح خشن و طماطم كرزية.

وتغطوها مرة تانية تتخمر ٤٥ دقيقة.

* في هذه الخطوة تقدروا تنوعوا في الإضافات.

* أنا فضلت أحط أعواد الروزماري كاملة عشان يسهل عليا بعد الخبز ازالتها. وهادا شكلها قبل ما اخمرها للمرة الثانية👇🏼

٨)خلال التخمير، افتحوا الفرن من تحت وفوق على درجة ٢٠٠ وحطوها في الرف الأسفل. وحتاخد تقريبا ٣٥ دقيقة.

بعد أول ١٠ دقايق خلوا الفرن حرارته ١٨٠ درجة. واذا خلصت ال ٣٥ دقيقة وحسيتوا تحتاج تخمير من فوق ترفعوها الرف العلوي الين تحصلوا على التحمير المطلوب.

هادا الشكل النهائي:

2 Comments Add yours

  1. بارك الله فيكم،سأجربه خبز فوشكا الإيطالي ،إن شاء الله.🌹Aïcha

    Liked by 1 person

    1. شكرا عزيزتي 🙂 ان شالله اكون عند حسن الظن وان شالله يعجبك

      Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s