البانكيك العربي

يا أهلا 🙂

في البداية احترت فين أحط هذه الوصفة، في مجموعة الحلويات والكيك أو مجموعة المخبوزات. لأن وصفة البانكيك اليوم مالحة! بس أخيرا قررت أحطها هنا لأن نفس الوصفة تُطبق إذا حبينا البانكيك الحلو مع اختلاف جدددددا بسيط في المقادير

وصفة البانكيك وصفة جدا شعبية و يعملوها كل الناس. في حاجتين مهمة جدا في الوصفة عشان يطلع قوامه غنية ومستوية طبعا ي نفس الوقت.

١) دايما نحتاج نبدأ بحرارة متوسطة يعني مثلا لو البوتاجاز حقي من ١-٩ حخلي الحرارة على ستة.

٢) نحتاج تاوة او مقلاة غير قابلة للالتصاق ونوعية مرة جيدة كمان.

٣) نحتاج بخاخ زيت او بخاخ حاص بالحلويات يمنع الالتصاق. (لو المقلاة من نوعية رخيصة)

٤) ناخد مقدار صغير بمغرفة الشوربة ونصب الخليط بشكل دائري على التلوث بالحجم اللي تشوفوه في الصورة (طبعا الحجم راجع للذوق الشخصي لكن هدا الحجم المناسب للبانكيك).

٥) ما نقلب البانكيك أبدا. ألين نبدأ نشوف فقاعات على السطح تقريبا زي كدا 👇🏼طبعا ننتظر الين الفقاعات تظهر على كامل السطح.

٦) لازم نستخدم دقيق البروتين حقه منخفض يعني نبغا شي تقريبا ٨٪؜ بروتين زي دقيق الكيك. او كمان تقدروا تستخدموا متعدد الاستعمالات بس ما يكون البروتين حقه اعلى من ١٠٪؜

٧) تقدروا تخلطوا المكونات الجافة مع بعض و تحتفظوا فيها في جار او علبة زجاجية يصير دايما تكون جاهزة عندكم. زي كدا👇🏼

٨) لازم نلتزم بالمعايير للوصفة. و ياحبذا استخدام الميزان الخاص بالأكل لو عندكم!

نجي للمقادير:

٢٠٠ جرام دقيق كيك- او متعدد الاستعمالات

١٢ جرام باكينغ باودر

٥ جرام ملح

٢٠ جرام سكر

٢٤٠ جرام حليب

٦٠ جرام زبدة مذوبة غير مملحة

٢ بيضة (لو الوصفة حلوة تضيفوا ملعقة صغيرة ڤانيليا)

للزينة:

زيتون كامل أخضر+ أسود

٤ قطع جبنة فيتا

زيت زيتون

زعتر

سماق

الطريقة:

١) نخلط المقادير الجافة مع بعض وننخلها بمصفاة زي كدا👇🏼

٢) نخلط البيض والحليب حتى نحصل على سائل بعدين نضيف الزبدة المذوبة. زي كدا 👇🏼

٣) نبدأ نخلط المواد الجافة ما المواد السائلة الين نحصل على قوام غليظ نوعا ما. زي كدا👇🏼

131EEEC9-42D6-4EC3-B469-7CCF00F5311F.jpeg

٤) زي ما شرحت سابقا، نخلي الحرارة متوسطة وناخذ بمغرفة الشوربة ونحط المقدار على التاوة بشكل دائري. تقريبا كل وجه ياخد ٣ دقايق.

٥) نزينه بالزيتون والجبنة وزيت الزيتون والزعتر

وهادي النتيجة 😍👇🏼

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s